طبعا الفكره دى كانت فى بالى من زمان انى اعملها فى منتدناا الجميل (كريزى تيم) قسم مفاتيح القلب )
كلنا عندنا احاسيس وعندنا افكار وممكن يكون فى كل واحد مننا شعور جواه
وعايز يخرجه او عنده رغبه انه يكتب ويالف اغانى شعر
بس مش عارف يرتبها او ينظمها ازاى
وانا هتكلم النهارده عن اول درس والاسلوب الصحيح فى كتابه الاغنيه
وفى تكمله انشاللله ليه
اولا حاجه هنتكلم عن تكوين الاغنيه
اولا ((( المـــــذهــب ))
ودة اول حاجة بتتعمل فى الاغنية واللى المفروض ان المؤلف بيقول اللى عاوز يقولو كله فى المذهب ... المذهب على فكرة هو
[size="4"]الفكرة الرئيسية للاغنية .. والكوبليهات اللى بتكمل وبتفسر معانى المذهب
_________________
اغنية بعيد عن عينى ( تامر حسنى )
بعيد عن عينى جايز ... بس اللى بينى وبينه عايش
جوة فى قلبى مهما كان .. مهما كان
صحيح انه سايبنى ... بس قلبى مش جايبنى
انسى حبه بتاع زمان .. بتاع زمان
عرفنا من المذهب ان الاغنية بتعبر عن الشوق والحنين والاشتياق واللهفة وان تامر وحشاه حبيبته . يبقى اللى بعد كدة سواء سينيو او كوبليه هنعرف منه انه بيتكلم عن الموضوع دة
قرب كمان ( تامر حسنى )
وانا جمبك .. حبيبى بجد مش عارف اقولك اية ؟
معاك الوقت بيعدى محسش بيه
واى كلام ... هيوصف اية فى لحظة بعيشها وانا وياك
كفاية عليا تبقى فى حضنى وابقى معاك
الموضوع بتاع الاغنية حب ورومانسية
محدش بينفع حد ( حمادة هلال )
محدش بينفع حد .. محدش خايف على حد
كل الناس عايزة تاخد .. ومحدش بيدى لحد
مفيش حد لبه عليك .. مفيش حد حاسس بيك
واللى بيحبك ادامك .. من وراك بيجرح فيك
عرفنا من المذهب ان الاغنية بتتكلم عن حال الدنيا وخيانة الناس والاخلاق الزبالة .... الخ
المذهب لازم تختارله قافية سهلة تعرف تظبط بيها كذا كلمة جديدة
بمعنى اخر ... المذهب عشان يبقى جميل لازم ينتهى بنفس القافية اللى بدأ بها
ولو اختارت قافية لازم تشوف هتكملها ازاى عشان المذهب يبقى جامد
ادينا شوفنا فى اغنية تامر حسنى ( بعيد عن عينى )
بعيد عن عينى جايز ... بس اللى بينى وبينه عايش
جوة فى قلبى مهما كان .. مهما كان
صحيح انه سايبنى ... بس قلبى مش جايبنى
انسى حبه بتاع زمان .. بتاع زمان
....... جايز ____ ... عايش
...... كان
..... سايبنى ____ ... جايبنى
.... زمان
قرب كمان
_____ ......... مش عارف اقولك اية
محسش بيه
_____________ ...... وانا وياك
.... وابقى معاك
نسيت الناس ( حسام حبيب )
غرامك من زمان فيا .. كلامك كله حنية
لقيتنى بسرعة خدت عليك
وجودك جمبى خلانى .. اشوف الدنيا لون تانى
وضحكتلى الحياة فى عينيك
.... فيا __..... حنية
....خدت عليك
..... جمبى خلانى ____ ..... من تانى
... الحياة فى عينيك
اللى بيحصل عادة بيبقى كالاتى
المؤلف بييجى فى باله قافيتين وجملتين حلوين ... بيكتبهم فى ورقة لو الوضع مش يسمحله انه يكتب اغنية .... ويفضى يقوم مطلع الجملتين اللى جم فى باله .... ويستعملهم فى المذهب ... ويبدأ يوزنه ويظبطه ويعمل عليه سينيو وكوبليه او اتنين ... ويكمل اغنيته
السينيو
ودة اللى بيبقى بعد المذهب ... ويفضل ان السينيو ينتهى بنفس قافيه المذهب
لو دة اتحقق تبقى الاغنية ناجحة ، ..... وانتهاء قافية السينيو بقافية المذهب بيمثل 40 % من نجاح الاغنية على فكرة .
ولو الشرط دة متحققش .... فى حاجات تانية بتعوضها ... زى اختيار الفاظ جديدة فى الكوبليهات .. واختيار اسم جذاب للاغنية .... واختيار اوزان صعبة .... الخ
أمثلة
افترقنا ( تامر عاشور )
افترقنا ... وابتديت .. الوم فى روحى واقول ياريت
كل يوم بيعدى اصعب
والفراق اصعب واصعب
كل يوم على نفسى بصعب
ان انا سيبته ونهيت
ياريتنى قبل ما قولتها .. انا كنت موت فى وقتها
او حتة كنت حسبتها
ادينى جيت ابعد نسيت
ادينى جربت انى اهد ... ادينى بتعذب بجد
ومن عذاب لعذاب أشد
وبالامانة انا انتهيت
الله الله الله على اللى عمل الاغنية دى بجد فناااااااان محترم ومؤلف واعى وعاملها بالورقة والمسطرة زى المهندس ... بغض النظر عن ان الاغنية دى مخدتش حقها
والشرط دة بيتعمل ان امكن للمؤلف ... لو مقدرش يعمله بيضطر يشوف اى حاجة تانية تجمله وتجمل الاغنية
الكوبليهات
ودى اللى بتحلل وبتسرد احداث وموضوع الاغنية .... وبرضه لو انتهى كل كوبليه بنفس قافية المذهب ... تبقى الاغنية وصلت لدرجة الكمال فعلا ....
المؤلف لما يكتب كوبليه جامد فى الاغنية احسن ما يكتب كوبليهين وحشين
ولو المؤلف لقى نفسه عمل كوبليه جامد وكوبليه مش اوى .... بيحط الكوبليه اللى مش اوى قبل الكوبليه الجامد
عشان يجبر المستمع انه يسمع اللى مش اوى ويكمل سماع الاغنية عشان يسمع الكوبليه التانى الجاااااااامد ... بكدة هو اجبر المستمع انه يسمع الاغنية كلها .
لكن لو خلى الكوبليه الجامد قبل اللى مش جامد ... هنلاقى المستمع خلص سماع الكوبليه الجامد وهو عارف ان الكوبليه اللى بعده مش حلو ... فبيجيب اغنية تانية بعد ما سمع المفيد .
وبينى وبينكو ... فى كوبليهات ميختلفش عليها اتنين فى جمالها ... ودايما المؤلف وهو بيكتب بيبص على النقطة دى .... انه يعمل كوبليه الناس كلها تتكلم عنه وتغنيه فى الشارع وهيا ماشية .
وفى المواضيع التانية هنشرح بالتفصيل الممل ... كيفية صنح كوبليه ومذهب وسينيو .... وكتابة اغنية ميختفلش عن جمالها اتنين
هنتكلم عـــــن
يعنى اية اغنية ؟ .... واية مكوناتها ؟ شرح الاجزاء بأمثلة
فى الاول احب اقولكم انى مشرحتش التلات اجزاء باستفااااااااااااااضة شديدة عشان اسيبلكم الفرصة تكلموا معايا
وتطلقوا لانفسكوا ولافكاركوا العنان وتطلعوا اللى جواكوا
تعالو نتناقش وانا معاكو مجرد كاتب على ادى [/size]
أبريل 16th 2009, 3:51 am
